RAKYATMALUKU.FAJAR.CO.ID — AMBON, — Siap-siap sudah for ana-ana kos- kosan bakanor. Barang seng lama lae harga mie instan mau nae tiga kali lipat.
Harga mie yang mau nae tiga kali lipat ini su beredar di tik-tok, insagram maupun twiter.
“Sakarang harga mie mau nae tiga kali lipat, siap-siap par katong ana kos stenga mati jua,” kata Rusniati, salah satu ana kos di Ambon.
Dia mangaku, di Ambon ini sebagian ana kos makan mie, selain cara masak gampang, mie isntan ini akang mura.
“Ana-ana kos-kosan biasa makan mie, barang akang harga mura, tapi kalau su nae katong setngamati jua,” stori Rusniati.
Dia mangaku balom tau kanapa harga mie akang mau nae.
Su bagitu, balom ada keputusan resmi lae mar su ada kios yang su kasnae harga mie.
Sakarang ni saja, saparu orang bajual su kas nae harga mie.
Biasa akang pung harga dua ribu lima ratus, ada yang su kas nae sampe tiga setengah bakan sampe ampa ribu,” ucap dia. (MON)
