RAKYATMALUKU.COM — AMBON — Orang-orang di Kota Ambon, su babarara hari ini karja par bakanor saja gara-gara lampu mati.
Bagemana seng, dong tiap hari baku jaga deng lampu saja.
Barang dong pung aktifitas yang berhubungan deng listirk jadi terhalang, Su bagitu, biar PLN su kaskaluar jadwal pemandaman lae, tapi karena hal teknis, lampu mati seng menentu.
Nanaku media ini, banya oarang yang sakarang bajalang deng bawa cas HP. Barang kalau dong tampa tinggal lampu mati dong lia lampu manyala di tampa laeng langsung dong cas HP.
“Adooo lampu ni karja par mati, katong mau cas HP saja baku jaga deng lampu,” kata Eka.
Eka bilang seng tau lampu akang mati manyala ini sampe kapan, katong karja baku jaga deng lampu saja.
“Karja baku jaga deng lampu saja, barang HP ini kan tampa katong tarima informasi apalagi katong yang bajual online ini, mau lia orang pasang barang, jadi kalau lampu mati ini katong karja terhambat,” story Eka.
Untung su barapa hari ini lampu su jarang mati. PLN kayanya serius tangani gangguan yang terjadi. Smoga kedepan lampu PLN bisa kombali normal. (MON)
