Ana Sandiri yang Mau Vaksin

  • Bagikan

RAKYATMALUKU.FAJAR.CO.ID — AMBON, —¬†Ana-ana di Ambon nih dong hebat-hebat lae. Biar dong pung orang tua masih takotang for dong dapa vaksin, mar dong sandiri yang ana di paksa par iko vaksinasi.
Nurmaina, mama satu yang tinggal di Galunggung mangaku, kamuka itu dia masih takotang bawa dia pung ana dua par pi vaksin.
”Beta pung ana ada doa orang. Yang saru umur tujuh taong, yang satu sabalas taong. Dong sandiri yang paksa supaya beta bawa dong dua pi faksin. Barang dong su paleng rindu mau pi skola,” kata Nurmania for Rakyat Maluku, kamareng.
Dia mangaku, dia pung ana dua itu sandiri yang bilang kalo ini pemerinta pung program jadi usti iko.
”Beta sandiri jua heran lae. Tapi mangkali beta pung ana dua ini dong su iko perkembangan lalu seng percaya deng hoax-hoax soal vaksin jadi dong sandiri yang paksa beta par bawa dong. Dong suruh beta tandatangan surat dari skola, lalu suruh beta antar par pi iko vaksin,” story dia.
Mama ini bilang, vaksin aman-aman saja. ”Beta pung ana dua ini abis vaksin dong bae-bae saja. Semoga dong capat bisa skola kaya biasa,” harap dia. (MON)

  • Bagikan