RAKYATMALUKU.COM — AMBON, — Bumbu-bumbu dapor ada nae harga. Baru nae seng maeng-maeng.
Mulai dari harga cili saja su dua puluh ribu rupiah satu cupa. Su bagitu, akang cupa itu ada pake alas panta lae.
Sedangkan bawang merah akang harga tiga puluh anam ribu sakilo. Bawang putih jua akang harga sama deng bawang merah.
Kalau minya goreng itu satu kilo jenis fortune itu dua puluh ampa ribu rupiah.
Untuk tomat ada nae harga lae satu kilo dua puluh lima ribu.
Gula paser, satu kilo dua puluh ampa ribu.
“Samua barang ada nae harga, akan pung harga nae su dari dua minggu lalu,” ka La Iksan for Rakyat Maluku.
Dia mangaku, biar barang-barang nae harga, tapi orang yang bali tetap banya. Barang for keperluan dapor ni.
“Barang-barang ini kan keperluan dapor jadi akang lancar jua. Ini bahang pokok utama,” ungkapnya.
