Bulan Puasa, Es Buah Paleng Laku

  • Bagikan

RAKYATMALUKU.COM — AMBON, — Hari kedua puasa di kota Ambon kamareng, banya orang suka es buah. Mungkin pas deng cuaca sampe hari kedua es buah yang paling laku dari samua jualan takjil.

Cuasa di kota Ambon memang dua hari ini paleng panas. Jadi orang yang batal itu cari yang manis-manis deng segar-segar.

“Dua hari puasa ini es buah yang paleng laris, barang cuaca paleng panas,” kata Warti salah satu penjual takjil, Senin 4 April 2022.

Bukang cuma es buah, Warti mangaku es cendol, atau jenis es lainnya jua paleng laku.
“Yah cuaca memang panas to,” ujarnya.

Es buah yang dong jual sampe lima puluh kap tetap laris saja. Balong par jam enam lae su abis.

Cara bikin es buah itu, masukan sagala jenis macam buah yang segar, campur deng sirup sesuai selera, tambah susu deng es batu.
Warti deng pedagang takjil laeng dong sanang bisa dapa rejeki banya dari bajual es buah deng cendol.

  • Bagikan