RAKYATMALUKU.FAJAR.CO.ID — AMBON, — Sabtu kamareng, pemerinta su kase nae harga BBM lae kombali. Skang pengeluaran dana bali minya for kenderaan, motor deng oto akang tamba basar jua.
”Pemerinta nih dong ksbeban tamba par katong masyarakat ini. Kondisi ada masih susah bagini mar dong seng mau tau e, su kasnae harga BBM dua kali dalang taong ini,” kata Wiliam, satu jujare Ambon for Rakyat Maluku, kamareng.
Wiliam jua bilang, kalo harga BBM akang nae, otomatis harga transportasi, bae itu, oto penumpang, kapal laut deng pesawat jua pasti iko nae.
”Su bagitu, pasti harga-harga barang samua jua akang iko nae lae. Barang BBM ini akang yang menentukan harga barang,” kata dia bakanor.
Menurut dia, biar ada dana kompensasi BBM lae, mar kebanyakan akang seng menyentu samua masyarakat kacil yang ada hidup susah.
Su bagitu, akang cuma saratus lima pulu ribu rupia saja.
”Katong ancor kalo model bagini. Katong harap suapa harga minya dunia ini akang turong jua, supaya pemerinta bale kasturung harga BBM,” kata Wiliam. (MON)
