RAKYATMALUKU.FAJAR.CO.ID — SAAT, — ini warga kota Ambon ada masih susah dapa Bahan Bakar Minyak (BBM) jenis minya tanah. Balom dapa alasan yang pasti kanapa sampe minya tanah paling susah.
Salah satu warga kota Ambon, Zainap mangaku, dia bajalang taputar cari minya tanah di stain. Tapi balom for dapa.
“Minya tanah masih susah dapa akang,” kata zainap, Senin 29 Agustus 2022.
Dia mangaku, babarapa agen yang tampa dia baisa bali minya tanah ada kosong. Bahkan dia bajalang cari sampe ka pasar mardika.
“Tadi beta turung antre di pasar saja baru dapa. Itu jua seng dapa banya cuma dapa dua gen lima liter,” akui dia.
Dia bilang kalau bagini lama-lama minya tanah ilang. Kalau mau pake gas lae katong balom biasa.
“Kalau katong pake kayu bakar lae, katong tiap hari pi ambel kayu. Baru Ambon ini kayu bakar paleng susah,” stori dia.
Nanaku koran ini, di tampa jual minya tanah di kota Ambon, orang-orang antre deng dong pung gen. Ada yang antre sampe berjam-jam. (MON)
Masi Susah Dapa Minya Tanah
