RAKYATMALUKU.FAJAR.CO.ID — AMBON, — Oras ini, harga-harga barang sumua nae. Mulai dar gula, sabong, sampe sayor, bawang, cili deng ikang.
Kalo sayor deng cili, akang pung harga jang bilang lae. Nae sampe dua kali lipat.
Barang ujang talalu banya biking tatanaman dong tiarap samua.. ada yang sampe tarandang lalu busu.
”Jang herang kalo maso pasar lalu mau bali sayor. Apa lae kalo mau bali cili. Musti siap uang sakali, kaseng pulang deng tangan kosong,” kata Lely yang tinggal di Karangpanjang for Rakyat Maluk kamareng.
Dia ka pasar musti bawa uang saratus ribu baru bisa cukup par balanja. Itupun cuma bisa bali ikang harga Rp30 ribu, sayor Rp.20 ribu, lalu sisa par bali cili deng bawang saja.
”Mau biking bagemana, katong terpaksa bali jua. Ikang jua mahal, barang cuaca ada seng bae bagini,” kata dia.
Dia berharap kondisi ini seng batahang lama. Harga-harga barang bisa kombali normal kaya biasa.
”Semoga akang seng lama jua, kalo tinggal tahang deng ton kaya bagini katong stenga mati jua,” ujar Lely. (MON)
Harga Barang Nae Samua
