RAKYATMALUKU.FAJAR.CO.ID — AMBON, — Ado e pemerintah pusat dong seng lama lae mau berlakukan kalo maso pusat balanjaaan atau maal musti vaksinasi booster.
Dong mau terapkan akang dua minggu kedepan lae.
Dengar hal ini orang-orang mulai resah. Dong rasa balom cukup lae par vaksinasi dua kali.
“Katong ini su vaksin sampe su dua kali, ini kombali dong mau berlaku akang vaksin booster supaya bisa maso tampa balanja lae,” kata Sumarni salah satu warga kota Ambon for Rakyat Maluku, Rabu 6 Juli 2022.
Dia bilang, vaksin kedua jua su cukup. Tapi kanapa dong mau terapkan akang vaksin ketiga lae.
”Tarlama katong karja par vaksin jua,” stori Sumarni
Dia harap supaya di Kota Ambon balom terapkan itu.
”Kalo dong berlakukan di Ambon lae berarti katong seng bisa maso pusat balanja lae. Barang balom par vaksin booster.
Beta tar masok akang amplaz, MCM deng ACC lae barang beta jua balom par vaksin booster. Beta balanja di pasar mardika saja jua,” ucap dia. (MON)
