RAKYATMALUKU.FAJAR.CO.ID — AMBON, — Oras ini, di Ambon ada banjir buah-buah. Bukan cuma buah duriang sa, ada langsa, duku, rambutan deng masih banya lae.
Kalau duringan ini biasa banya dar Seram sana, bagitupun deng akang buah langsa atau buah duku. Tapi langsa deng duku ini balom banya, makanya akang harga masih mahal.
“Kota Ambon banjir buah e, duriang saja bajejer sapanjang jalang balom lae langsa deng duku deng akang rambutan,” kata Charles for dia tamang di Losari Ambon, Senin 4 Juli 2022.
Dia stori, satu dua hari lae ini duriang su tambah banya, barang selain dar Seram yang dong bawa datang par jual, ada jua dar Saparua. Balong lai dar daerah gunong di Ambon kaya Soya, Hutumuri, Naku deng negri-negri laeng.
“Seng lama lae akang buah duriang ini su jatoh harga, abis nanti duriang talamborang,” stor dia.
Kalo langsa, tamba dia, biar masi mahal tapi su dapa lia orang bajejer par bajual akang di sapanjang jalang. ”Pasti seng lama lae harga langsa deng duku jua akan turong kalo pas su tanoar,” ucap dia. (MON)
