RAKYATMALUKU.FAJAR.CO.ID — AMBON, — Mulai bulan ini, Juli 2022, sapa saja mau bali bahan bakar minya, kaya pertalite deng solar su musti pake aplikasi My Pertamina.
Soal informasi itu banyak orang yang mengeluh. Barang di Ambon ini jaringan seng bae, balom lae harus bali paket data kalau mau isi pertalite atau solar.
“Ini bearti kalao katong mau isi pertalite katong musti ada pulsa data, kalau seng katong seng bisa isi pertalite, barang su pasti kalau gunakan aplikasi itu musti pake paket,” kata Ansar salah satu warga kota Ambon for Rakyat Maluku, Kamis 30 Juni 2022.
Dia bilang ada bae yang bali pertalite ini samua orang yang mengerti akang smart phone ini, kalau seng lalu harus bagimana.
“Lalu kalau orang tua-tua yang seng mengerti akang aplikasi ini harus bagimana, apakah dong seng bisa bali pertalite,” ucap dia.
Dia mangaku apakasi ini bagus par orang yang mengerti handphone saja. Kalau seng jua akang jadi masalah lae. Balom lae orang yang seng ada handphone android.
“Lalu kalau orang yang seng ada handphone lae solusi bagimana ini,” tanya dia. (MON).
