RAKYATMALUKU.FAJAR.CO.ID — AMBON, — ini, ada ‘banjir’ duriang di Kota Ambon, Duriang yang dong jual bukan hanya dari Kota Ambom tapi banya jua lae dar Pulau Seram. Tapi yang paleng laku duriang dar Hutumuri.
Dong bilang duriang dari Hutumuri ini baru jatuh sa dari pohong langsung dong jual akang jadi akang pung rasa paleng enak.
Akang pung isi jua masih segar.
“Kalau duriang Hutumuri katong rasa kaya makan duriang yang baru jatoh dari pohong. Akang rasa seng tawar,” kata Lilia waktu dia carita par dia pung laki yang sementara makang duriang di Losari Ambon, Selasa 28 Juni 2022.
Nanaku koran ini, duriang Hutumuri seng batahang lama di tampa bajual. Yang bajual dari siang, sore su abis, barang banya peminat.
“Samua orang suka duriang Hutumuri barang baru jatoh la katong bawa bajual jadi akan isi paleng sadap,” stori Caca, satu penjual duriang di pante Losari.
“Dong rasa puas biar mahal tapi puas deng akan pung enak. Orang biasa bilang barang seng mengecewakan,” bebernya.
(MON)
