RAKYATMALUKU.FAJAR.CO.ID — AMBON, — Orang Ambon ni e, dong makang duriang labe dar batas lae. Bayangkan dari data, tiap hari ada dua ton duriang yang dong makang di Ambon.
Ini dapa lia dari tiap hari petugas DLHP dong angka sampah bakas makanan duriang.
Memang saat ini kota Ambon ada banjir Duriang, barang ada banya pohong duriang yang taruh buah.
Banya datang dar Pulau Seram, Haruku, Saparua dan Leasa.
Barang kota Ambon jadi salah satu pasar utama for para pedagang menjual duriang.
Kepala Dinas Lingkungan Hidup dan Persampahan (DLHP) Kota Ambon, Afredo Hehamahua bilang, ada banya kuli duriang yang tatampung di babarapa lokasi.
“Tumpukan sampah hampir tiap hari terjadi dikawasan Mardika, depan Maluku City Mall (MCM), Passo, Waiheru, deng Wayame. Tampa-tampa ini jadi sentra jual durian,” katanya kepada wartawan di Balai kota Ambon, kamareng.
Dia mangaku, amper tiap hari dong angka kuli duriang dua ton di kawasan itu.
“Tiap hari petugas itu angka dua ton sampah khusus kulit duriang dari kawasan-kawasan tersebut,” ujarnya.
Dia jua mangaku, kuli duriang kalio muat deng kontainer atau tampa tampung samoah seng mampu.
“Tiap hari deng jam itu petugas karja keras for angkut sampah kulit durian. Kalau seng ankut, pasti kontainer maupun TPS kita seng mampo tampung,” ucap dia. (MON)
