RAKYATMALUKU.FAJAR.CO.ID — AMBON, — Dinas Perhubungan Kota Ambon nanti mau baku dapa deng pihak Balai Jalan Nasional XVI Ambon, for bicara perbaiki jalan yang bersatus nasioanal di depan pasar Batumerah.
Meski bukang pung tupoksi for berbaiki jalan itu, tapi sebagai pemangkau kepentingan di transportasi di kota dong harus bicara akang jalan ini supaya bisa diperbaiki.
“Jalan di depan pasar Batumerah itu statusnya jalan nasional. Katong rapat bersama selaku pemangku kepentingan di bidang transportasi, tapi yang punya bagian itu balai. Nanti katong ketemu supaya katong duduk bersama bicarakan apa yang merupakan tanggung jawab dari masing-masing stakeholder biar jalan itu bisa segera diperbaiki,” kata Kadis perhubungan Ambon, Robby Sapulette, kamareng.
Dia bilang, akibat jalan di depan pasar Batumerah yang rusak parah bikin tumpukan kendaraan di bagian jalan.
For dong tau saja, warga Kota Ambon yang lewat di muka pasar Batumerah pasti mengeluh for akang pung jalan saja.
Bagimana seng, jalan di situ kalau ujang su sama deng kolam barnang, kalau panas baabu ancor.
Nanaku koran ini, memang rata-rata orang mengeluh, seng tau dong mau mengelu for sapa.
“Katong yang di dalam oto ini jaga tako, barang jalan su bakolang baru dalam oto rasa kaya ada omba basar,” kata Yusniati. (MON)
