RAKYATMALUKU,FAJAR.CO.ID — AMBON, — Orang-orang yang bajual atau tinggal di Pasar Mardika, dong rasa gempa tiap hari. Barang dong ada tanang tiang pancang for bangun pasar baru. Tiap kali kalo dong tumbu akang tiang itu, ruko-ruko di Pasar mardika iko bagoyang kaya ada gempa saja.
La Dayoni pedagang ikan asing di pasar mardika bilang, dong rasa akang pung getarang su sama deng gempa.
”Kalo akang tarus bagini lalu kalo ada gempa katong su seng bisa bedakan akang lae. Bisa-bis akatong calaka,” kata dia for Rakyat Maluku, Kamis 9 Juni 2022.
Dia bilang awal pertama dong rasa akang itu dong tako lae. Kira gempa, tapi karna su biasa hari-hari ini jadi dong santai saja.
“Katong bajual dipasar ini jadi katong rasa akang tiap hari, su biasa,” ucapnya.
Dia bilang kalau pasar ini dua taong baru akang jadi, bisa saja orang-orang yang pung ruko akang retak jua.
“Kira kalau tiap hari akang bagetar kaya deng gempa ampa koma bagitu, kira bangunan seng retak,” cetusnya. (MON)
