RAKYATMALUKU.FAJAR.CO.ID — AMBON, — Masin Anjungan Dukcapil Mandiri (ADM) yang dong taru akang di lante satu Kantor Balai Kota Ambon for bantu orang-orang datang cetak KTP deng KK balom for fungsi lae.
Padahal akang su mau dua bulang dong taru di situ.
Dong bilang, masin ini for kasmuda warga saat pelayanana.
Cuma waktu orang-orang mau coba, akang balong berfungsi lae.
“Dong bilang masin balom bisa fungsi seng tau kapan baru akang bisa fungsi supaya jang katong antre di Capil lama-lama,” kata Hasni salah satu warga kota Ambon di Balai kota, Senin 6 Juni 2022.
Plt Kepala Dinas Dukcapil Ambon, Hanny Tamtelahitu, bilang seng tau kapan masin itu bisa barfungsi. Barang itu ada dalam
proses maintenance atau perbaikan sistem. Dimana, ada kesalahan nama atau NIK dalam E-KTP maka diperbaiki.
Dia bilang bukan cuma kota Ambon saja. Tapi di saluruh Indonesia ini.
“Beta seng tau kapan maintanance selesai,” ujarnya. (MON)
