RAKYATMALUKU.FAJAR.CO.ID — AMBON, — Mama-mama di Ambon ini dong ada bakanor par harga minya goreng yang balom turung-turung lae. Padahal akang pung harga nae su paleng lama.
Nanaku koran ini, minya goreng yang dong jual di pasar Mardika deng pasar Batumerah itu satu liter ada yang dua puluh dua ribu sampe tiga buluh ribu perliter.
Kalau satengah liter itu akang harga tiga belas ribu sampe deng lima belas ribu.
Para pedagang mangaku itu akang pung harga nae ini bukan dari dong pung mau, barang di distributor dong ambe jua deng harga mahal lae, makanya dong jual sesuai deng harga yang dong ambe.
“Minyak goreng ini akang pung harga balom par tutung-turung lae, kira akang nae dari balong bulang puasa sampe su sakarang ini balom par turung lae,” kata Ibu Nurhalija.
Dia mangaku minyak goreng jadi kebutuhan dapor yang paling panting.
”Seng mungkin katong mau makang rabus-rabus tarus.
Katong ini sasadiki goreng ikang, tumis ikan, mamasa sayor tumis, deng masih banya lae, samua itu pake minya, kalau minya pung harga balom turung bagini kira-kira bagimana lae? Masa katong mau makang rabus-rabus tarus,” ucapnya. (MON)
