RAKYATMALUKU.FAJAR.CO.ID — AMBON, — ORANG-ORANG yang lewat di muka Pasar Batu Merah, di jalan Pantai Mardika pasti bakanor kiri kanang. Barang jalan di situ pung bakolang jua talalu sadis lae.
Kalo ujang, kolang-kolang pono deng air peci. Padahal jalan itu akses jalan utama, samua orang yang mau ke atau dari terminal Mardika ka arah Tantui, JPM, Galala sampe Passo musti lewat jalan itu.
”Katong yang di dalang oto nih saja takotang lae, barang kalao lewat jalan itu kaya ada omba basar. Oleng kiri kanan,” kata Yusniati for koran ini kamareng.
Yusniati herang kanapa pemerinta balom perbaiki akang tu jalang lae. Dia lalu bakanor.
”Pejabat yang pung tannggungjawab jalan tolong biking akang dolo ee. Jalan ini su rusak paleng lama. Biking akang bae-bae supaya mayarakat yang lewat bisa rasa nyaman sadiki jua,” kata dia.
Di harap ada pejabat pemerinta yang lewat jalan itu supaya dong pung hati nurani tatoko sadiki par suruh kontraktor perbaiki akang. (MON)
Jalan Rusak, Dong Bakanor
