RAKYATMALUKU.FAJAR.CO.ID — AMBON, — Kayanya musti perlu penanganan khusus for tangani masala sampa di Kota Ambon. Biar Penjabat Wali Kota Ambon, Bodewin Wattimena pung program khusus lae, sampe su turong sandiri for lia sampa di Pasar Mardika lalu suruh petugas angka, mar beberapa hari ini, sampa kombali batumpuk.
Su bagitu, akang paleng bau, tagal bacampor dengn sampa sisa sayuran deng makanan laeng.
Bukan cuma batumpuk, akang sampe su kaya gunung satu tampa.
”Hari pertama jadi penjabat itu, pak Bodewin langsung turong lalu kerahkan delapan armada sampa for angka sampa-sampa ini, mar akang su mbatumpuk kombali,” kata Waina, salah satu pedagang di pasar for Rakyat Maluku, kamareng.
Dia mangkau mangkali akses par oto masok angka sampah di sini, susah ka apa sampe dong balom for angka akang sampah ini lae.
“Muda-mudahan sabantar malam dong su angka akang sampa ini, supaya seng ganggu aktivitas masyarakat,” harap dia. (MON)
