RAKYATMALUKU.FAJAR.CO.ID — AMBON, — Pas jam dua lewat dalapang manit, lampu mati di kantor Pemerintah Kota Ambon. Akang biking pelayanan for warga sadiki tarlambat.
Nanaku koran ini, mulai dari pelayanan Dinas Pelayanan Terpadu satu pintu, pelayanan admistrasi deng pelayanan lainnya macet total. Tapi lampu mati seng talalu lama, barang masih jam kantor jadi dong pake genset.
“Kalau lampu mati bagini, katong pelayanan terhambat, apalae di bank,” kata Maria di Balai kota Ambon.
Untung bae, Pemkot Ambon dong su antisipasi akang. Jadi mati seng lama lae, dong su tarek mesin genset for layani warga.
“Dong di pemkot su siap akang, jadi seng talalu kuatir,” ujarnya.
Memang ada babarapa instansi di Pemkot Ambon yang pake genset. Tapi kabanyakan itu seng ada genset. Lampu tetap mati lalu dong pung pegawai dudu sante sa. (MON)
