AMBON — Orang-orang yang lewat di kawasang Ahuru, Kecamatan Sirimau, Kota Ambon jang dong takotang lae deng bau sampa di samping jalang.
Barang sampah di kawasang itu su barsih. Seng batambong lae kaya deng barapa minggu yang lalu.
Sekretaris Kota Ambon Agus Ririmasse bilang, sampa di kawasang itu memang banya orang yang su lapor ka antua.
Padahal masalah sampa itu su jadi masalah sosial.
“Banya yang su lapor soal sampa itu, tadi beta su parentah Dinas Lingkungan Hidup dan Persampahan (DLHP) par kasbarsih akang. Beta sandiri yang pantau akang,” kata Ririmasse.
Nanaku koran ini, memang babarapa minggu ini sampa disitu dia paleng ganggu orang-orang yang lewat, selain akang batumpuk sampe su tumpa di jalang raya tampa orang lewat, akang jua paleng bau.
Makanya banya yang lewat kawasang itu mengeluh akang. Tapi sakarang su seng mengeluh lae, barang sampa di situ su barsih deng seng bau lae. (MON)
