RAKYATMALUKU.COM — AMBON, — Pemerinta Kota Ambon lewat Dinas Perindustrian dan Perdagangan (Disperindag) biking pasar murah, memenuhi kebutuhan pokok selama bulan Suci Ramadahan deng jelang hari raya Idul Fitri 1443H.
Orang-orang dong manggurebe antre kupon for dapa sembako deng talor.
Nanaku koran ini, Senin 11 April 2020, di Desa Waiheru orang-orang dong manggurebe par dapa kupon.
Yang su dapa kupon dong langsung ambil sembako, ada talor, mantega, gula pasir satu kilo gram, minyak goreng satu liter, deng tepung terigu satu kilo gram tamba susu satu kaleng.
“Katong bersyukur dapa pasar murah ini, paleng membantu katong sakali di bulan puasa ini,” kata Santi for Rakyat Maluku.
Dia mangaku, kalau bali di pondok pasti harga su saratus labe, tapi di pasar murah itu cuma dapa harga lima puluh ribu.
“Katong cuma bayar lima puluh ribu saja su dapa barang banya,” akuinya.
Cukup tau saja, ada 2.639 kupon akang dong bagi jadi dua, sebagiannya di Waiheru pada 11-12 April dan sebagiannya lagi di pasar murah Batu Merah pada 13-14 April.
